കോടോം ബേളൂർ ഗ്രാമ പഞ്ചായത്ത് 15ാം പഞ്ചവൽസര പദ്ധതി ശിൽപശാല നടന്നു കില ഫാക്കൽട്ടി പപ്പൻ കുട്ടമത്ത് ഉൽഘാടനം ചെയ്തു

അട്ടേങ്ങാനം : കേരള ഗ്രാമപഞ്ചായത്ത് അസോസിയേഷൻ - കോടോം ബേളൂർ ഗ്രാമ പഞ്ചായത്ത് 15ാം പഞ്ചവൽസര പദ്ധതി മാർഗരേഖ /സബ്സിഡി മാർഗ്ഗരേഖ പരിഷ്ക്കരിക്കൽ ശിൽപശാല നടന്നു. കില ഫാക്കൽട്ടി

പപ്പൻ കുട്ടമത്ത് ഉൽഘാടനം ചെയ്തു, പഞ്ചായത്ത് പ്രസിഡണ്ട് ടി.വി. ജയചന്ദ്രൻ അധ്യക്ഷത വഹിച്ച ശില്പശാലയിൽ പഞ്ചായത്ത് വൈസ് പ്രസിഡണ്ട് വന്ദന ടി പി സ്വാഗതം പറഞ്ഞു. ബ്ലോക്ക് പഞ്ചായത്ത് അംഗം പി.ഗംഗാധരൻ , പഞ്ചായത്ത് സ്ഥിരം സമിതി അധ്യക്ഷൻ മാരായ സുരേഷ് വയമ്പ്, ഭൂപേഷ്.കെ, സന്ധ്യ.പി.സി , ആ സൂത്രണ സമിതി ഉപാദ്ധ്യക്ഷൻ യു. ഉണ്ണികൃഷ്ണൻ എന്നിവർ സംസാരിച്ചു, പഞ്ചായത്ത് ജനപ്രതിനിധികൾ, മുൻ ജനപ്രതിനിധികൾ, ആസൂത്രണ സമിതി അംഗങ്ങൾ, വർക്കിംഗ് ഗ്രൂപ്പ് അംഗങ്ങൾ, നിർവ്വഹണ ഉദ്യോഗസ്ഥർ തുടങ്ങിയവർ ശില്പശാലയിൽ സന്നിഹിതരായി. പഞ്ചായത്ത് സെക്രട്ടറി മൈക്കിൾ കെ എഫ് നന്ദി പറഞ്ഞു